सैनामैना साउन ६
लायन्स क्लब अफ सैनामैनाको वार्षिक कार्ययोजना अनुरुप आठौं Global cause अन्तर्गत जुलाई महिनाको लागि तय गरिएको वृक्षारोपण कार्यक्रम हिजो जुलाई २०, शनिबार सम्पन्न भएको छ। क्लबका प्रेसिडेन्ट लायन केदार कार्कीको अध्यक्षता तथा LCI Distric 325P Nepal का PDG PMJF लायन नवराज न्यौपानेको प्रमुख आतिथ्यतामा सैनामैना-९ भरैयामा विभिन्न जातका फलफुलका बिरुवा रोपण गरियो। सैनमैना साउन छ
कार्यक्रममा क्लबका सक्रिय सदस्य लायन बिनोद गिरिको संयोजकत्वमा भएको थियो भने विशेष अतिथिको रुपमा Distric 325P का GAT Co-ordinator PMJF लायन मिना पन्थी र GMT Co-ordinator लायन दिपक कुमार श्रेष्ठ उपस्थित थिए।
कार्यक्रमको मुख्य उद्देश्य वातावरण संरक्षण र हरियाली प्रवर्द्धन गर्नु रहेको क्लबका प्रेसिडेन्ट लायन केदार कार्कीले बताए। उनले भने, “वृक्षारोपणले न केवल वातावरणीय सन्तुलन कायम राख्न मद्दत गर्छ, बरु हाम्रा भविष्यका पुस्तालाई पनि स्वस्थ र हराभरा वातावरण दिन्छ।” प्रमुख अतिथि लायन नवराज न्यौपानेले पनि वृक्षारोपण कार्यक्रमको महत्वलाई जोड दिएका थिए र यो पहललाई अझै व्यापक बनाउनुपर्नेमा जोड दिए।
कार्यक्रमको क्रममा फलफुलका बिरुवाहरु जस्तै आप, कटहर, अम्बा लगायतका विभिन्न जातका बिरुवा रोपण गरियो। क्लबका सदस्यहरु, स्थानीय बासिन्दाहरु र विद्यालयका विद्यार्थीहरुले उत्साहपूर्वक सहभागिता जनाएका थिए। लायन बिनोद गिरिले कार्यक्रममा सहभागी सबैलाई धन्यवाद ज्ञापन गर्दै यस्ता कार्यक्रमले समाजमा सकारात्मक सन्देश पुर्याउने बताए।
कार्यक्रमको अन्त्यमा वृक्षारोपण गरेका बिरुवाहरुको हेरचाह र संरक्षणका लागि पनि विशेष योजना बनाइएको क्लबका प्रेसिडेन्ट लायन केदार कार्कीले बताए।
कार्यक्रम संचालन भने लक्ष्मी श्रेष्ठले गर्नु भएको थियो। उक्त कार्यक्रमले वातावरण संरक्षण र समाजमा वृक्षारोपणको महत्वबारे जनचेतना फैलाउनेमा ठूलो भूमिका खेल्ने विश्वास व्यक्त गरिएको छ।
