सैनामैना – मुर्गिया
रुपन्देही जिल्लाको सैनामैना नगरपालिकामा रहेको रोटरी क्लब अफ सैनामैनाले आज पोलियो दिवसको अवसर पारेर सैनामैना नगरपालिका वडा नम्बर ४ मा रहेको सैनामैना नगर अस्पताललाई बेन्च हस्तान्तरण गरेको छ।
कार्यक्रमका प्रमुख अतिथि रहनुभएका सैनामैना नगरपालिकाका नगर प्रमुख फणेन्द्र प्रसाद शर्माले
रोटरीले समाजमा विशेषगरी स्वास्थ्य सँगसँगै निम्नवर्गीय परिवारमा आफ्नो सहयोगले छुट्टै पहिचान बनाएको र नगरपालिकालाई हिजो कोभिड जस्तो महामारीका बेलामा आर्थिक सहयोगसँगै आफूले सञ्चालन गरेको एम्बुलेन्स समेत नगरपालिकालाई हस्तान्तरण गरेर उत्कृष्ट कार्य गरेको स्मरण गराउँदै यो नगर अस्पताललाई बेन्च हस्तान्तरण गर्दै गर्दा यस ठाउँमा पनि यसले ठूलो उपलब्धि दिने कुरा व्यक्त गर्नुभयो।
कार्यक्रमका विशिष्ट अतिथि रहनुभएका सैनामैना नगरपालिका वडा नं ४ का अध्यक्ष एवं अस्पताल व्यवस्थापन समितिका अध्यक्ष रामप्रसाद अधिकारीले रोटरीको हिजाका दिनमा पनि हेल्थ पोस्ट एवं स्वास्थ्य क्षेत्रमा हेर्ने नजरिया नै फरक रहेको र अहिले पनि रोटरीका साथीहरुको यो सहयोग अतुलनीय रहेको र उच्च मूल्याङ्कन गर्दै हृदयदेखि धन्यवाद ज्ञापन गर्दै यस्ता कार्यक्रमहरू अन्य संघसंस्था र क्लबहरूले पनि सिक्नुपर्ने कुरामा समेत आफ्नो धारणा व्यक्त गर्नुभयो।
कार्यक्रममा रोटरी क्लब अफ सैनामैनाका पूर्व अध्यक्ष कृष्ण कुमारले सामाजिक क्षेत्रमा विशेषगरी स्वास्थ्य र निम्नवर्गीय परिवार सँगसँगै शिक्षा क्षेत्रमा नगरपालिकाभित्र सँगसँगै नगरपालिकाभन्दा बाहिर पनि यस क्लबले ठूलो सहयोग गरेको कुरा समेत व्यक्त गर्दै कार्यक्रमको पूर्ण सफलताको शुभकामना व्यक्त गर्नुभएको थियो।
कार्यक्रममा रोटरी क्लब अफ सैनामैनाका मेन्टोर रणबहादुर खनालले मानिसको अति आवश्यक रहेको क्षेत्रमध्येको एक अस्पतालमा यसरी रोडरीले सहयोग गर्नु भनेको उत्कृष्ट कार्य सँगसँगै मानवलाई दुःख परेको अवस्थामा मात्रै मानिसहरू अस्पताल आउने र उनीहरूसँगै आउने कुरुवाका लागि बस्नका लागि यो बेन्चले निकै सहयोग पुर्याउने हुँदा रोटरी क्लबलाई धन्यवाद सँगसँगै पाल्नुहुने सम्पूर्ण महानुभावहरुलाई कार्यक्रममा धन्यवाद समेत ज्ञापन गर्नुभएको थियो ।
कार्यक्रमको अध्यक्षता रोटरी क्लब अफ सैनामैनाका अध्यक्ष पिताम्वर न्यौपाने धर्मले गर्नुभएको थियो भने कार्यक्रममा आउनुभएका सम्पूर्ण अतिथि, रोटरियन र ननरोट्रियन साथीहरूलाई स्वागत क्लबका अपकमिङ प्रेसिडेन्ट भोजराज पौडेलले गर्नुभएको थियो र कार्यक्रमको सञ्चालन क्लबका निवर्तमान अध्यक्ष माधव खनालले गर्नुभएको थियो।
