भाद्र – १४ शुक्रबार
सैनामैना -४ स्थित ग्यालेक्सी ई बोर्डिङ्ग स्कुलमा नेपालीहरुको महान पर्व हरितालिका तीजको पूर्व सन्ध्यामा संस्कृति जोगेर्ना गर्ने उद्देश्यका साथ अन्तर सदनात्मक तीज गीत तथा नृत्य प्रतियोगिता सम्पन्न भएको छ ।
नेपाली संस्कृतिमा विकृती भित्रिएको यस समयमा विद्यालयमा विद्यार्थीहरुका भावना तथा समग्र देशको वेदनालाई गीत तथा नृत्य मार्फत प्रस्तुत गरेका थिए । तहगत रुपमा सञ्चालित उक्त प्रतियोगितामा कक्षा -४ ,५,६ जुनियर र कक्षा ७,८,९ सिनियर गरि अन्तर सदनात्मक तीज गीत प्रतियोगितामा जुनियर तर्फ तिलिचो सदन प्रथम, रारा सदन द्वतीय र अरुनभ्याली सदन तृतीय हुन सफल भएका थिए साथै सिनियरतर्फ सगरमाथा सदन प्रथम तिलिचो, सदन द्वितीय र अरुनभ्याली सदन तृतीय सफल भएका थिए।
उक्त प्रथियोगितामा साना नानीबाबुहरुको एकल नृत्य प्रस्तुत गरिएको थियो ।
कार्यक्रममा बोल्दै विद्यालयका प्रधानाध्यापक श्रवण कुमार गौतमले विद्यार्थीहुरुले प्रस्तुत गरेका तीज गीतका वेदना तथा नृत्यले अहिलेको समस्यालाई जस्ताको त्यस्तै उजागर गरेकोमा खुसी व्यक्त गर्नुभयो । भट्किलो समाजले पर्वहरु पनि भट्किलो बन्दै गरेको हुनाले विद्यालय स्तरबाटै बालबालिकाहरुलाई संस्कार र संस्कृतिको महत्त्व बुझाउन पनि यस्ता प्रतियोगिता आयोजना गरि रहनु पर्ने बताउनुभयो । विद्यार्थीहरुको सक्रियसहभागीताले विद्यार्थीहरुमा किताबी ज्ञान मात्र नभएर सह भावना एकता र आत्मियता रहेको देखियो ।
कार्यक्रममा विशेष अतिथि श्रवण कुमार गौतम ,एम डि प्रकाश भट्टराई ,प्रमुख अतिथि जीवन बन्धु सेवानी र दधिराम भट्टराई सर बोल्नु भएको थियो
विद्यालयका शिक्षक दधिराम भट्टराईको अध्यक्षता ,विद्यालय व्यवस्थापन समिति अध्यक्ष जीवन बन्धु सेवानी प्रमुख आतिथ्यता,एम डि प्रकाश भट्टराई , विद्यालयका प्रधानाध्यापक श्रवण कुमार गौतम ,सह प्रधानाध्यापक भीम बहादुर थापा र भारती भट्टराई को विशेष आतिथ्यता तथा शिक्षक शिक्षिकाहरुको आतिथी , मधु भट्टराई ,मुस्कान थापा, मिना शर्मा र मेनुका गौतमले निर्णय गर्नुभएको कार्यक्रमको सञ्चालन विद्यार्थी अश्विना न्यौपाने र आदित थापाको सञ्चालनमा सम्पन्न भएको विद्यालयका शिक्षक बाबुराम खनालले जानकारी दिनुभयो ।
