बंगलादेशको राजनीतिक अवस्था सहजहुनासाथ विद्युत् व्यापार सम्झौता हुने

Advertisement

नेपाल विद्युत् प्राधिकरणले बंगलादेशको राजनीतिक अवस्था सहजहुनासाथ विद्युत् व्यापार सम्झौता हुने जनाएको छ । राजनीतिक परिवर्तनसँगै शेख हसिनाको सत्ता बहिर्गमनपछि केही अन्योलता भएपनि छिट्टै अवस्था सहजहुनासाथ विद्युत् व्यापार सम्झौता हुने प्राधिकरणका कार्यकारी निर्देशक कुलमान घिसिङले शुक्रबार आयोजित पत्रकार सम्मेलनमा जानकारी दिए । 

‘नेपालको स्वच्छ हरित ऊर्जा छिट्टै बङ्गलादेश पनि निर्यात हुँदैछ । यसका लागि आवश्यक गृहकार्य पूरा गरी नेपाल, भारत र बंगलादेशका निकायहरूबिच त्रिपक्षीय सम्झौता हुने चरणमा पुगेको छ’, उनले भने, ‘बंगलादेशमा सिर्जना भएको राजनीतिक असहजताको अवस्थाले हाल सम्झौता रोकिएतापनि अवस्था सहजहुनासाथ सम्झौता सम्पन्न गरी यसै वर्ष विद्युत् निर्यात सुरु हुने विश्वास लिएका छौँ ।’