सैनामैना साउन २२
सैनामैना जेसिजले श्री पर्रोहा परमेश्वर शिव ज्योतिर्लिङ्ग बोलबम धाममा श्रावणको सोमबारको अवसर पारेर श्रद्धालु भक्तजनहरुलाई मोही वितरण गरेको छ ।
सैनामैना नगरपालिका वडा नम्बर १ मा अवस्थित स्वयं उत्पत्तिमान शिव ज्योतिर्लिङ्ग बोलबम धाममा देश तथा विदेशबाट जलार्पण गर्न आउनुभएका श्रद्धालु भक्तजनहरूलाई सैनामैना जेसिसले मोही वितरण गर्दै भक्तजनहरूको तिर्खा मेट्ने प्रयास गरेको छ।
सैनामैनाका विभिन्न क्षेत्रहरूमा जेसिजले विगतका वर्षहरूमा जस्तै यस वर्ष पनि अझै बढी तीव्रताका साथ कार्यक्रमहरू गर्दै आइरहेको छ यसै सन्दर्भ पारेर सैनामैना जेसिज सप्ताह अन्तर्गत आफ्नो तेस्रो कार्यक्रम तिर्खाएका भक्तजनहरूलाई मै वितरण गर्दै आफ्नो कार्यक्रम सम्पन्न गरेको छ।
कार्यक्रममा सैनामैना जेसिसका पूर्व अध्यक्ष एवं नेपाल जेसिजका पूर्व उपाध्यक्ष बिमल ज्ञवाली, सैनामैना जेसिसका पूर्व अध्यक्ष सीता क्षेत्री, यदुनाथ भण्डारी रामचन्द्र ढकाल एवं बोलबम धाम परिसरका पदाधिकारी सल्लाहकार एवं सदस्यसहित सैनामैना जेसिजका पदाधिकारी बोर्ड सल्लाहकार अध्यक्ष सल्लाहकार एवं श्रद्धालु भक्तजनहरूको उपस्थितिमा उक्त कार्यक्रम सम्पन्न भएको छ।
कार्यक्रमको अध्यक्षता सैनामैना जेसिज वर्ष २०२४ का अध्यक्ष जेसी शिशिर ज्ञवालीले गर्नुभएको थियो भने मानवीय कार्यलाई एउटा अवसरसँगै आगामी पिँढीलाई पनि समाजसेवाको बारेमा सिकाउनको लागि र सेवा नै सबैभन्दा ठूलो धर्म हो भन्ने उद्देश्यका साथ यो कार्यक्रम आयोजना गरिएको कुरा व्यक्त गर्नुभयो भने कार्यक्रमको संयोजक एवं सञ्चालन सैनामैना जेसिजका महासचिव भेषराज भण्डारीले गर्नुभएको थियो।
