सैनामैना साउन २२
सैनामैना नगरपालिकामा रहेको सैनामैना जेसिजले आफ्नो जेसी सप्ताह अन्तर्गत दोस्रो दिन सैनामैना १० मा रहेको सालझण्डी माध्यमिक विद्यालयमा शैक्षिक सामग्री विद्यार्थीलाई हस्तान्तरण गरी मानवीय कार्यलाई उत्कृष्टताको पहिचान दिलाएको छ ।
सैनामैना नगरपालिकामा रहेका अन्तर्राष्ट्रिय क्लबहरू मध्ये सैनामैना जेसिज समाजलाई नयाँ मार्गचित्र कोर्नका लागि निरन्तर तल्लिन भएर मैदानमै खटिएर काम गर्ने संस्था रहेको छ।
कार्यक्रमका प्रमुख अतिथि रहनुभएका नेपाल जेसिसका पूर्व उपाध्यक्ष एवं सैनामैना जेसिजका पूर्व अध्यक्ष बिमल ज्ञवालीले युवामा नेतृत्वदायी भूमिका स्थापित गर्न जेसिजले यस्तै कामहरु बाट उनीहरुलाई प्रयोगात्मक ढङ्गबाट सिकाउने कुरा व्यक्त गर्नुभयो।
कार्यक्रममा विद्यार्थीहरूलाई उनीहरूलाई आवश्यक परेको कापी कलम झोला लगायतका स्टेसरी सामग्री वितरण गरिएको थियो।
कार्यक्रमको अध्यक्षता सैना मैना जेसिस वर्ष २०२४ का अध्यक्ष जेसी शिशिर गवाहीले गर्नुभएको थियो।
कार्यक्रममा विद्यालय व्यवस्थापन समितिका अध्यक्ष विद्यालयका प्राचार्य शिक्षक विद्यार्थी एवं सैनामैना जेसिसका पदाधिकारी सदस्य एवं साधारण सदस्यको उपस्थितिमा कार्यक्रम सम्पन्न भएको हो।
