कृष्ण भण्डारी, सैनामैना
रूपन्देही जिल्लाको सैनामैना नगरपालिकामा रहेको सैनामैना जेसिसले आफ्नो जेसिस सप्ताहको शुभारम्भ सैनामैना १ मा अवस्थित पर्रोहा परमेश्वर शिव ज्योतिर्लिङ्ग बोल बमधाममा काठमा कोरिएको नामांकरण बोर्ड हस्तान्तरण गरेको छ।
एक कार्यक्रमका बीच पर्रोहा बोलबम धाम परिषद्मा नै कार्यक्रमको आयोजना गरी उक्त बोर्ड हस्तान्तरण गर्नुका साथै ठाउँ छनोट गरी बोर्डलाई गाडिएको पनि छ।
कार्यक्रमका प्रमुख अतिथि नेपाल जेसिजका कार्यकारिणी उपाध्यक्ष सन्दिप अग्रहरीले हामी नेतृत्व र व्यक्तित्व विकाससँगै हाम्रा गाउँठाउँमा भएका पौराणिक एवं धार्मिक संस्थाहरूको उजागर गर्नका लागि पनि यस संस्थाले विभिन्न ठाउँहरूमा ठूलो भूमिका खेलेको कुरा व्यक्त गर्नुभयो।
कार्यक्रमका विशिष्ट अतिथि रहनुभएका पर्रोहा परमेश्वर शिव ज्योतिर्लि बोलबम धामका अध्यक्ष रामबली चौधरीले जेसिससँगको नाता पुरानो भएको हुँदा समाजमा उदाहरणीय काम गरिरहेको जेसिस सधैंभरि यसरी नै निरन्तरताका साथ अगाडि बढोस् भन्ने शुभकामना व्यक्त गर्नुभएको थियो ।
त्यस्तै कार्यक्रमका अर्का विशिष्ट अतिथि नेपाल जेसिसका राष्ट्रिय उपाध्यक्ष राजेन पौडेलले धार्मिक र ऐतिहासिक एवं पुराततिक क्षेत्रमा जेसिसले खेल्ने भूमिका उत्कृष्ट रहिरहेको धारणा राख्दै जबसम्म धर्ममा मानिसको आस्था हुन्छ तबसम्म अमनचन्द्र शान्तिले निरन्तरता पाउने कुरा समेत व्यक्त गर्नुभयो।
त्यस्तै कार्यक्रममा सैनामैना जेसिजका पूर्व अध्यक्ष एवं नेपाल जेसिजका पूर्व राष्ट्रिय उपाध्यक्ष बिमल ज्ञवाली, सैनामैना जेसिजका पूर्व अध्यक्ष यदुनाथ भण्डारी, सुभाष पौडेल, रामचन्द्र ढकाल, अध्यक्ष सल्लाहकार गोविन्द खरेल, बोल बोमधामका कार्यसमिति सदस्य जेसिजका कार्यसमिति सदस्यको उपस्थितिमा सम्पन्न भएको थियो।
सैनामैना जेसिसको वार्षिक योजना अन्तर्गत जेसिज सप्ताह शुभारम्भ कार्यक्रम बोर्ड लाई धाम परिसरमा गाडेर शुभारम्भ भएको छ भने उक्त बोर्ड करिब २० हजार भन्दा बढीको लागतमा निर्माण गरिएको हो।
कार्यक्रमको अध्यक्षता सैनामैना जेसिस वर्ष २०२४ का अध्यक्ष शिशिर ज्ञवालीले गर्नुभएको थियो भने उहाँले आफ्नो धारणा राख्दै भगवान सँग मानिस डराउने हुँदा आज पनि मानिसले दुःखमा भगवानलाई नै सम्झिरहेको हुन्छ त्यसैले हामीले यस क्षेत्रको संरक्षण गर्न आवश्यक रहेको कुरा व्यक्त गर्नुभयो भने कार्यक्रमको सञ्चालन कार्यकारणी उपाध्यक्ष अभिनय घिमिरेले गर्नुभएको थियो ।
