Advertisement
२३ साउन ।
ढुंगा सहितको पहिरोका कारण अवरुद्ध पाल्पा–गुल्मी सडकअन्तर्गत बर्तुङ–रिडी खण्ड एकतर्फी सञ्चालनमा आएको छ ।
मंगलबार अपराह्न ५ बजेदेखि अवरुद्ध भएको सडक बुधबार बिहान ११ बजेदेखि एकतर्फी सञ्चालनमा आएको सडक डिभिजन कार्यालय पाल्पाले जनाएको छ ।
बुधबार बिहान ब्रेकरसहितको एक्स्काभेटर लगाएर अवरुद्ध सडक एकतर्फी खुलाइएको हो । सडक विभागको लोडर प्रयोग गरी ठूला ढुंगा पन्छाउन नसकिएकाले ब्रेकरसहितको एक्स्काभेटर प्रयोग गरी सडक खुलाइएको सडक डिभिजन पाल्पाले जनाएको छ ।
पाल्पाको जार्तेनजिकै पहिरोसहित दुई ठूला ढुंगा खसेका कारण मंगलबार अपराह्नदेखि सडक पूर्ण रूपमा बन्द भएको थियो । यो सडक भएर पाल्पाका साथै गुल्मी, अर्घाखाँची, बाग्लुङसम्मका यात्रु ओहोरदोहोर गर्छन् ।
