सैनमैना।
देउवापार ब्वाइजको आयोजनामा हाजिरी जवाफ प्रतियोगिता सम्पन्न भएको छ।
रूपन्देहीको सैनामैना नगरपालिका वडा नम्बर ७ देउवापारमा रहेको युवाहरूको क्लब देउवापार ब्वाइजद्वारा आयोजना गरिएको अन्तर स्कुलआत्मक ह्याजरी जवाफ प्रतियोगिता शुक्रबार सरस्वती माध्यमिक विद्यालयको प्राङ्गढमा सम्पन्न भएकोसम्पन्न भएको छ।
आफ्नै समाजमा केही गरौं भन्ने भावनाले गठित भएको युवा क्लब देवापार ब्वाइजले समाजमा विभिन्न कार्यक्रमहरू सञ्चालन गर्दै आइरहेको छ। समाजबाट समाजकै लागि भन्ने मूल नारा सहित सामाजिक रूपान्तरणमा अगाडि बढेको क्लबले वडा भित्र विभिन्न सामाजिक कार्यहरू गर्दै आइरहेको छ। यसअघि देवापार ब्वाइज अगुवाइमा देउवापार चोकमा सिसिटिभी क्यामेरा जडान गरिएको थियो।
हाजिरीजवाफ प्रतियोगितामा प्रभात इङलिस बोर्डिङ स्कुल प्रथम भएको छ भने सैनामैना पर्रोहा पर्मेश्वर नमूना माध्यमिक विद्यालय द्वितीय भएको छ । यस्तै बुद्ध इङलिस स्कुलले तृतीय स्थान हासिल गर्न सफल भएको छ । प्रतियोगितामा प्रथम द्वितीय र तृतीय हुने विद्यालयलाई क्रमश , प्रमाणपत्र , शिल्ड , मेडल र नगदसहित सम्मान गरिएको थियो ।
कार्यक्रम क्लवका अध्यक्ष विशाल पाैडेलको अध्यक्षता , नगर प्रमुख फडिन्द्र शर्माको प्रमुख आतिथ्यता , वडा अध्यक्ष राजकुमार चाैधरीको विशिष्ट आतिथ्यता , वडाका जनप्रतिनिधि , विद्यालयहरुका प्रधानाध्यापक , तथा विभिन्न संस्थाका पदाधिकारीको आतिथ्यतामा कार्यक्रम सम्पन्न भएको हो । कार्यक्रम सञ्चालन भने क्लबका सक्रिय सदस्य रमेश पाण्डेको स्वागत एवम सचिव आर्यन घिमिरेको सञ्चालनमा भएको थियो।