सैनामैना ।
सैनामैना नगरपालिका वडा नम्बर ५ मा रहेको श्री मलमला देवी माध्यमिक विद्यालयले आफ्नो ३६ औँ वार्षिक उत्सव एवं अभिभावक दिवस मनाएको छ।
कार्यक्रमका प्रमुख अतिथि रहनुभएका सैनामैना नगरपालिकाका नगर प्रमुख फडिन्द्र प्रसाद शर्माले पछिल्लो समयमा यस विद्यालयको प्रगतिको उच्च प्रशंसा गर्दै नगरले पनि छुट्टै हिसाबले यसलाई हेरिरहेको कुरा व्यक्त गर्नुभयो। आजका विद्यार्थीलाई व्यावहारिक ज्ञान सँग नजिक गराइयो भने उनीसँगै उनीहरूको आगामी जीवन पनि उन्नयन हुने कुरा राख्नुभयो ।
कार्यक्रमको विशिष्ट अतिथि रहनुभएकी सैनामैना नगरपालिकाकी उपप्रमुख बिना रानाले पछिल्लो समयमा सैनामैना नगरपालिका भित्रका सामुदायिक विद्यालयहरू प्रति नगरपालिकाले खेलेको भूमिका अनुसार नै नतिजा पनि आइरहेको हुँदा यस विद्यालयको भौतिक संरचनामा पनि लगानी गरेको र यसले उच्च प्रतिफल दिनेमा आफू ढुक्क रहेको कुरा व्यक्त गर्नुभयो।
कार्यक्रमका अतिथि सैनामैना नगरपालिका वडा नम्बर ५ का अध्यक्ष धन प्रसाद पौडेलले आफू निर्वाचित भएर आइसकेपछि विद्यालयको शैक्षिक उन्नयनसँगै भौतिक पूर्वाधारको निर्माण कार्य पनि तीव्ररूपमा भइरहेको र यसले आगामी दिनमा यस क्षेत्रका विद्यार्थीहरूलाई सहज तुल्याउने कुरा व्यक्त गर्नुभयो।
कार्यक्रममा श्री मलमला देवी माध्यमिक विद्यालय व्यवस्थापन समितिका अध्यक्ष एवं कार्यक्रमका अध्यक्ष भोजराज पाण्डेले विद्यालयको प्रगति प्रतिवेदनसँगै विद्यालयले आगामी दिनमा गर्ने योजना र विद्यालयका विद्यार्थीहरूप्रति नयाँ खालको बौद्धिक विकासका लागि गरिने कार्यक्रमहरुलाई विद्यालयले उच्च सम्मानका साथ लागू गर्ने कुरा समेत व्यक्त गर्नुभयो ।
विद्यालयको भौतिक निर्माणबारे जानकारी गराउँदै अध्यक्ष पाण्डेले शैक्षिक सुधार पनि आफू आएपछि क्रमिक रुपमा बढ्दै गइरहेको र विद्यार्थी सङ्ख्या पनि बढिरहेको जानकारी समेत गराउनुभयो।
कार्यक्रममा जनप्रतिनिधि एवं राजनीतिक दलका वडाका प्रमुख एवं प्रतिनिधि, नजिकका विद्यालयहरूका अध्यक्ष एवं प्रधानाध्यापक, विद्यालय व्यवस्थापन समितिका सल्लाहकार, सदस्य एवं पूर्व अध्यक्षहरु, स्थानीय सङ्घसंस्थाका प्रमुख एवं प्रतिनिधि, टोल विकास संस्थाका अध्यक्ष एवं प्रतिनिधि, आमा समूहका अध्यक्ष एवं प्रतिनिधि, विद्यालयकै अभिभावक समिति, विद्यार्थी र अभिभावकहरूको सहभागितामा कार्यक्रम सम्पन्न भएको थियो।
उक्त ३६ औँ वार्षिक उत्सव एवं अभिभावक भेला कार्यक्रममा वर्षभरि विद्यार्थीहरूले खेलकुद एवं शैक्षिक कार्यक्रममा प्राप्त गरेका नतिजाको सम्मान गर्दै सिल्ड, मेडल र प्रमाणपत्रले सम्मान गर्नुका साथै विद्यालयलाई आर्थिक रुपमा सहयोग गर्ने सहयोगी मनहरुलाई समेत सम्मान गरिनुका साथै विद्यार्थीहरूले सांस्कृतिक कार्यक्रम समेत प्रस्तुत गरेका थिए।
कार्यक्रममा विद्यालयका प्राचार्य एमबहादुर क्षेत्रले विद्यालयको शैक्षिक उन्नयनका विषयमा आफ्नो प्रगतिप्रतिवेदन राख्नुका साथै आगामी दिनको शैक्षिक योजना समेत प्रस्तुत गर्नुभएको थियो।
कार्यक्रमको अध्यक्षता विद्यालय व्यवस्थापन समितिका अध्यक्ष भोजराज पाण्डेको अध्यक्षता कार्यक्रममा पाल्नुहुने अतिथि एवं सम्पूर्ण मान्यवरहरुलाई स्वागत स्वरूप विद्यालयका सहप्राचार्य ऋषिराम अर्यालले राख्नुभएको थियो र कार्यक्रमको सञ्चालन विद्यालयका शिक्षक केशव घिमिरेले गर्नुभएको थियो।
