मंसिर २३, सैनामैना
सैनामैना वडा नं १ निवासी एक परिवारले आफ्ना स्वर्गिय माता पिताको समझानामा स्वचलित, अत्याधुनिक एवं तातो सिसो पानी सहितको फिल्टर सौजन्य गरेका हुन । सैनामैना न.पा. वडा नं १ निवासी बुवा स्क भुपति न्यौपाने र आमा स्वः रेनुका न्यौपानेको स्मृतिमा छोराहरु तुल्सी न्यौपाने, कासीराम न्यौपाने, छबि न्यौपाने र बाबुराम न्यौपाने सैनामैनाको बनकट्टामा रहेको सैनामैना खानेपानी तथा सरसफाई उपभोक्ता संस्थाको गेटमा आम सर्वसाधरणले तातो सिसो पानी प्रयोग गर्न मिल्ने गरी सो फिल्टर जडान गरी आईतबारबाट संचालनमा आएको सैनामैना खानेपानी तथा सरसफाई उपभोक्ता संस्थाका अध्यक्ष एक बहादुर क्षेत्रीले बताउनु भयो ।
समाजमा बुवा, आमाको नामबाट केही सामाजिक कार्य गरौ भन्ने भावनाले पारिवारिक सल्लाह बमोजिक आम सर्वसाधरणले तातो चिसो पानी सहजरुपमा प्रयोग गर्न पाउन भन्ने उद्धेश्यले यो फिल्टर हस्तान्तरण गरिएको न्यौपाने परिवारका काशिराम न्यौपानेले बताउनु भयो । करिब २ लाख २० हजारको लागतमा आईतबार एक कार्यक्रमका बिच न्यौपाने परिवारले सो फिल्टर हस्तान्तरण गरेको खानेपानी संस्थाका सचिव शुशिल भण्डारीले बताउनु भयो। कार्यक्रममा नेपाल बिधुत प्राधिकरण लुम्बिनि प्रदेशका प्रमुख हरि पाण्डे, सैनामैना वडा न १ का वडाअध्यक्ष भुवन बहादुर क्षेत्री, जनप्रतिनिधि प्रेम भुषाल, खानेपानी संस्थाका पदाधिकारी, बिभिन्न टोल बिकास संस्था लगायत आम सर्वसाधरणको उपस्थितीमा हस्तान्तरण कार्यक्रम सम्पन्न भएको हो । कार्यक्रम स्थानिय समाजसेवी कल्पना घिमिरेको स्वागत तथा सिता ज्ञवालीको संचालनमा सम्पन्न भएको हो ।
