Advertisement
२९ साउन ।
बुटवल उपमहानगरपालिका-७ दिपनगरमा स्कुटर दुर्घटना हुँदा एक किशोरकाे मृत्यु भएको छ ।
दिपनगरकाे कमलपोखरीबाट सोमबारे बजारतर्फ जाँदै गरेको लु.९४ प ४८०६ नम्बरको स्कुटर सोमबार राति अनियन्त्रित भई पल्टिएर दुर्घटना हुँदा चालक गुल्मीकाे मदाने गाउँपालिका-६ घर भई हाल बुटवल उपमहानगरपालिका-१३ बेलबास बस्ने १९ वर्षीय शिशिर कुँवरको मृत्यु भएको प्रहरीले जनाएको छ ।
दुर्घटनामा गम्भीर घाइते भएका उनको बुटवल स्थित लुम्बिनी प्रादेशिक अस्पतालमा उपचारको क्रममा मृत्यु भएको हो ।
घटना बारे थप अनुसन्धान भइरहेको प्रहरीले जनाएको छ ।
